Porsche ka një lajm për ata që do të shikojnë ngjarjen e tyre të përvjetorit më 8 qershor të këtij viti. Sipas mediave të huaja, gjatë festimeve, prodhuesi i automjeteve do të tregojë një koncept, i cili do të jetë “makina sportive e së ardhmes”. Fatkeqësisht, nuk ka shumë informacione të disponueshme për debutimin e ardhshëm, përveç se ai do të ofrojë diçka për vizionin për makinën sportive të së ardhmes.
Fjala vizion lë të kuptohet se kjo do të jetë një makinë koncept dhe jo një model prodhimi. Por fakti që përshkruhet si një makinë sportive mund të lë të kuptohet për të ardhmen e ikonës 911, e cila mbetet produkti kryesor i Porsche. Ekziston gjithashtu një shans që ata të mund të vijnë me “binjakët” e ardhshëm elektrikë Boxster/Cayman që janë planifikuar të lansohen në formë prodhimi në vitin 2025, por në çdo rast do të duhet të presim që kjo të zbulohet atë ditë.
Porsche vazhdon të elektrizojë modelet e saja dhe një Cayenne plotësisht elektrike pritet në treg pas tre vjetësh. Me një total prej 95,604 njësive të shitura në vitin 2022, Cayenne ishte modeli më popullor i Porsche. Një version i përmirësuar i SUV-it të madh luksoz u njoftua përpara premierës së tij botërore të planifikuar për në prill dhe modeli ekziston që nga viti 2017. Tani po qarkullojnë thashethemet se njerëzit nga Zuffenhausen po punojnë gjithashtu për një version tërësisht elektrik që vjen në vitin 2026.
