Ajo është gruaja e ve e basketbollistit të ndjerë, Kobe Baynt dhe së fundmi është përballur publikisht me nënën e saj, Sofia Lane. Kjo e fundit e ka akuzuar Vanessa-n se ajo e ka lënë pas dore pas vdekjes së Kobe dhe i ka kërkuar një shumë si dëmshpërblim.
Sofia ka hapur një proces gjyqësor me pretendimin se vajza e saj nuk po e ndihmon më pas ndarjes nga jeta të basketbollistit. Vanessa ka reaguar menjëherë në Instagram pas daljes së këtyre lajmeve dhe është shprehur se nëna e saj po përpiqet t’i zhvatë një shumë parash. Përmes një shkrimi në Instagram, Vanessa Bryant shprehet:
“Nëna ime po vazhdon të gjejë mënyra për të zhvatur në mënyrë dashakeqe një shumë financiare nga familja jonë. Unë e kam mbështetur atë për gati njëzet vjet, dhe ajo kurrë nuk ishte asistentja ime ose e Kobe”,-është shprehur Vanessa.
Ajo ka shtuar se për dy dekada nëna e saj ka jetuar pranë saj dhe Kobe, duke qenë se nuk mund të blinte një shtëpi të re pas divorcit.
“Ajo tani kërkon të më marrë 96 dollarë për orë me pretendimin se ka punuar 12 orë në ditë për 18 vite për t’u kujdesur për mbesat e saj. Në realitet ajo është kujdesur shumë pak për vajzat e mia kur ishin të vogla”,-është shprehur Bryant në postimin e saj në Instagram.
Rikujtojmë, se Kobe Bryant ndërroi jetë në fillim të këtij viti bashkë me vajzën e tij, Gianna, pas një aksidenti tragjik me helikopter.
