Megan Thee Stallion bëri debutimin e saj në Coachella me një surprizë të veçantë për të gjithë fansat e saj. Fituesja e çmimit “Grammy”, 27 vjeçe, promovoi një këngë të re, një këngë diss që thuhet se quhet “You’s a Bitch” sipas Rolling Stone, teksa ajo doli në skenë për herë të parë të shtunën në festivalin muzikor në Indio, Kaliforni.
Kënga e saj e re, e cila paraqet këngën “Freak’n You Remix” të Jodeci dhe Wu-Tang, duket se ka në fokus një ish, pasi ajo parapriu performancën duke thënë se ishte diçka shumë personale dhe dedikuar dikujt, të paktën kështu ka raportuar Pitchfork. Megan e paraljmëroi këngën në mediat sociale disa ditë përpara se të shfaqej në festivalin e parë të Coachella që nga fillimi i pandemisë COVID-19.
Kam marrë këtë këngë që e kam incizuar dhe sa herë që e luaj për një grua ajo fillon të kërcejë dhe të duartrokasë. Mendoj se dua ta performoj në Coachella për herë të parë përpara se ta publikoj.
I got this song that I recorded and every time I play it for a woman they start jumping and clapping 😂 I think I wanna perform it at Coachella for the first time before I actually drop it
— TINA SNOW (@theestallion) April 7, 2022
Bashkëpunimi i ri i saj dhe Dua Lipës i cili quhet “Sweetest Pie”, përpos pjesës që ka thyer një rekord të madh në pk ditë, ditën e djeshme u performua vetëm nga Megan sepse Dua mungonte. Ajo më parë shënoi një tjetër sukses madhështor, kur performoi një remix të “We Don’t Talk About Bruno” të Encanto-s me Luis Fonsi, Becky G dhe aktorët e filmit muajin e kaluar në ceremoninë e 94-të të çmimeve Oscar. Megan mori gjithashtu çmimin e saj të parë muajin e kaluar në “iHeartRadio Music Awards 2022”. Për këtë artiste e cila po arrin një sukses të jashtëzakonshëm me krijimet e saj na mbetet të presim hitin e radhës.
