Niall Horan do të nisë në turne vitin e ardhshëm. Ish-anëtari i One Direction njoftoi “The Show Live on Tour” 2024, i cili do ta çojë atë në Evropë, Amerikën e Veriut dhe më shumë. Në njoftimin e tij, Horan u shpreh:
Nuk ka asgjë më të mirë se sa të shikosh turmën duke të kënduar përsëri me gjithë atë emocion në fytyrat e tyre dhe të dish se ata po e bashkojnë këngën me diçka kuptimplote në jetën e tyre. Për mua, kjo është gjithmonë gjëja më e madhe që mund të vijë ndonjëherë nga shkrimi i këngëve. Ka kaluar shumë kohë dhe mezi pres të shoh fytyrat tuaja të bukura.
Horan së fundmi zbuloi se do të publikojë albumin e tij të tretë, “The Show”, më 9 qershor. Këngët “Heaven” dhe “Meltdown” do të përfshihen në album. Në turneun e ardhshëm, Horan do të performojë në Angli, Francë, Gjermani, Danimarkë, Suedi, Itali, Spanjë etj. Ai do të shkojë gjithashtu në Australi dhe Zelandën e Re.
View this post on Instagram
Radha në Amerikën e Veriut nis në Fort Lauderdale, Florida dhe do të shkojë në Nashville, Filadelfia, New York City, Cincinnati, Toronto, Denver dhe më shumë. Turneu do të përfundojë në Phoenix, Arizona. Biletat për turne do të dalin në shitje muajin e ardhshëm.
