Gara për të fituar sa më shumë çmime tashmë ka filluar. Me “Golden Globes” dhe “Emmys” pas tyre, yjet e botës së kinematgorafisë tani po e kthejnë vëmendjen e tyre tek çmimet BAFTA dhe Oscars. Kasti i “Barbie” mezi pret të marrë disa çmime në kategoritë në të cilat është nominuar, pjesërisht për shkak të punës së Ryan Gosling, në rolin e Ken. Aktori është krenar, por në një intervistë të fundit ka shpjeguar pse nuk i lë vajzat e tij ta shohin filmin.
Sipas klasifikimit MPA, filmi i kukullave nuk është i përshtatshëm për fëmijët nën 13 vjeç për shkak të llojit të përmbajtjes që mund të shfaqet. Vajzat e vogla të Gosling dhe Eva Mendes janë shtatë dhe nëntë vjeç. Por arsyeja është krejt ndryshe, aktori nuk i ka lejuar vajzat e tij të shohin ‘Barbie’ sepse nuk mendon se është ide e mirë “ta shohësh babain si Ken”. Veç kësaj, ai tregon se “nuk e di se çfarë moshe është një moshë e mirë për të parë babanë tënd duke e bërë këtë”.
Për t’i shtuar një kontraditë kësaj çështjeje, aktori amerikan tha se e mori vendimin për të pranuar rolin për shkak të vajzave të tij. Megjithatë, vajzat e vogla nuk e kanë parë babanë e tyre në rol në filma. Ata kanë parë disa skena, por në xhirime ka qenë një eksperiencë krejtësisht ndryshe. Ishte Gosling ai që tregoi se:
Ata kanë parë pjesë të vogla dhe erdhën në set një ditë kur bëra një numër të madh muzikor.
Jo çdo gjë është në anën e babait të tyre, sepse ai ka treguar gjithashtu se vajzat e tij nuk kishin asnjë interes për Kenin dhe vetëm u deklaruan si fanse të Barbie.
