Platforma e mesazheve të Meta, Threads ka marrë disa funksione të reja që e bëjnë më të lehtë përdorimin e shërbimit. Mark Zuckerberg, i cili zotëron platformën e re Threads, njoftoi mbështetjen për veçorinë e ndarjes së postimeve në mesazhet direkte në Instagram.
Përveç kësaj, Threads ka marrë gjithashtu tekst alternativ të personalizuar për foto dhe video dhe një buton të ri (@). Opsioni “dërgo në Instagram” i lejon përdoruesit të postojnë përmbajtjen e tyre të Threads direkt në DM të Instagram, përmes butonit “dërgo”.
Për më tepër, një opsion i personalizuar “alt-text” i lejon përdoruesit e Threads të shtojnë, ose modifikojnë tekstin alternativ ekzistues të gjeneruar automatikisht, për fotot dhe videot, përpara se të ngarkojnë atë përmbajtje. Butoni i ri i do ta bëjë më të lehtë etiketimin e profileve në postimet e Threads të përdoruesit. Së fundmi, platforma lehtëson verifikimin e identitetit të përdoruesit në platforma të ndryshme, të tilla si Mastodon.
Platforma e re e bisedave të bazuara në tekst Threads u lançua me shumë zhurmë në fillim të muajit korrik, duke tejkaluar 100 milionë regjistrimet për më pak se një javë pasi u bë e disponueshme për publikun më 5 korrik. Por menjëherë pasi aplikacioni, i parë si një kërcënim i drejtpërdrejtë për Twitter u publikua, përdoruesit në Twitter filluan të postojnë pamje nga ekrani të politikës së privatësisë së Threads të publikuara në App Store të Apple.
