Shakira është një nga këngëtaret më të famshme të Amerikës Latine. Artistja kolumbiane ka publikuar më shumë se 10 albume. Muajt e fundit, fama e 46-vjeçares ka ardhur veçanërisht për këngët e saj të fundit, ku ajo i ka lënë më shumë se një ‘mesazh’ ish-partnerit të saj, futbollistit Gerard Pique, pas ndarjes së tyre.
Sipas revistës Forbes, pasuria e yllit të muzikës pop e mbledhur ndër vite i kalon 400 milionë dollarë, ndër të cilat janë disa shtëpi luksoze në pjesë të ndryshme të botës. Trilogjia e saj e këngëve të fundit, ‘Te Felicito’, ‘Monotonía’ dhe ‘Session 53’, në të cilën ajo i lë disa mesazhe Gerard Pique, gjithashtu ka gjeneruar mjaft para për të, më shumë se 21 milionë dollarë.
![](https://phantom-marca.unidadeditorial.es/b7bf0e58b4faea8e454bd2d2e45df79d/resize/828/f/jpg/assets/multimedia/imagenes/2023/04/26/16825102648709.jpg)
Rikujtojmë, se së fundmi Shakira ka arritur marrëveshje me prokurorin publik spanjoll për të zgjidhur një çështje mashtrimi fiskal, pikërisht kur gjyqi i saj ishte gati të fillonte në Barcelonë. Këngëtarja ka rënë dakord për të paguar një gjobë prej 7.5 milionë eurosh dhe në këmbim do të shmangë rrezikun e burgut.
Shakira akuzohet se nuk ka paguar 14.5 milionë euro në tatimin spanjoll mbi të ardhurat midis viteve 2012 dhe 2014. Si pjesë e marrëveshjes, Shakira pranoi akuzat dhe një gjobë prej 50% të shumës së borxhit, më shumë se 7.3 milionë euro. Prokurorët kishin kërkuar ta burgosnin për tetë vjet dhe ta gjobisnin me 23.8 milionë euro nëse shpallej fajtore.
![](https://images.hola.com/us/images/0284-18b00df7cfb8-a0cb5fb37ea6-1000/horizontal-1200/fendi-fall-2023-couture-collection-runway-show-front-row.jpg)
Vetëm një vit më parë, këngëtarja ishte në Barcelonë ku jetonte me dy fëmijët dhe ish-partnerin e saj, Gerard Pique. Tani, realiteti për të është krejtësisht ndryshe. Ajo vendosi të nis një jetë të re duke u transferuar në Amerikë. Ndërkohë Pique zgjodhi të vazhdojë karrierën e tij në biznes në Barcelonë dhe të vazhdojë me zgjerimin e ‘Kings League’. Ndërkaq, së fundmi në një intervistë për revistën Hola në vendin e saj, Kolumbi, Shakira zbuloi gjithçka rreth jetës së saj të re në Miami.