Gjatë misionit Artemis II, katër astronautët e NASA arritën një moment historik; ata u bënë njerëzit që kanë udhëtuar më larg nga Toka në historinë moderne. Por një detaj i papritur mori vëmendjen në rrjet: një kavanoz Nutella që po lundronte në kabinë pak minuta para se të thyhej rekordi. Ky moment u bë viral, me shumë përdorues që bënë shaka se Nutella “vendosi rekord botëror” duke u bërë ushqimi që ka udhëtuar më larg nga Toka. Disa e quajtën këtë një reklamë të fshehtë për kompaninë Ferrero, prodhuesin e Nutella-s.
Nutella just hit a world record flying as far away from Earth as nobody else did before 👩🏼🚀🌓 pic.twitter.com/046pkMYezH
— Tobi Mülhauser 🍕 (@iamtobi) April 6, 2026
Megjithatë, NASA reagoi shpejt, duke sqaruar se nuk ka asnjë marrëveshje reklamimi dhe se zgjedhja e ushqimeve bëhet nga vetë ekuipazhi, jo nga sponsorë. Nutella, kremi më i shitur i lajthive në botë, së shpejti do të dalë në treg në një version vegan. Do të quhet “Nutella Plant-based” dhe do të përbëhet vetëm nga përbërës 100% me bazë bimore dhe me siguri do të shfaqet në treg vitin e ardhshëm, kur ky krem feston 60-vjetorin e tij.
Ky version vegan nuk do të jetë një zëvendësues i Nutellës klasike apo një produkti që thjesht i ngjan atij, por Nutella e vërtetë, e cila do të kënaqë të gjithë veganët, si dhe ata që kanë probleme me laktozën. Receta dhe paketimi janë ende sekret, vetëm se kavanozi do të thotë “me bazë bimore” ose “vegan”. Ferrero, siç raporton “Corriere della Sera”, në fakt ka regjistruar markën “Nutella Plant based” pranë Zyrës Italiane të Patentave (UIBM) të Ministrisë së Biznesit dhe Prodhimit.
