Spektakli i “Big Brother VIP Albania” ka sjellë një tjetër moment të papritur dhe emocionues, kur reperi kosovar Gjesti u bë pjesë e një loje të pabesueshme, duke i lënë banorët të besonin se po largohej nga shtëpia.
Pas një njoftimi të mëparshëm për largim, Gjesti u përshëndet me të gjithë banorët, duke shkaktuar emocione dhe lot, veçanërisht te Rozana dhe Egli, me të cilët kishte krijuar lidhje të veçanta.
Për habinë e të gjithëve, Gjesti nuk kaloi derën e madhe të shtëpisë për të dalë, por u fsheh në dollapin e lavanderisë, duke i lënë banorët të mendonin se ai ishte larguar përfundimisht. Ata vazhdonin të shpreheshin të trishtuar për largimin e tij, duke diskutuar mes tyre nëpër ambiente të ndryshme të shtëpisë.
Por mashtrimi i tij u zbulua kur Xeni hyri në lavanderi dhe pa e ditur çfarë po ndodhte, përballoi Gjestin që doli nga dollapi.
Ky moment i papritur ka shkaktuar reagime të ndryshme mes banorëve dhe publikut, duke e bërë këtë situatë një nga më të bujshmet të këtij edicioni.
