Shkencëtarët italianë nga Torino kanë zbuluar një gjen të ri që shkakton sëmundjen e Alzheimerit, sipas një studimi të fundit. Hulumtimi nga disa grupe shkencëtarësh u koordinua nga Spitali Molinete në Torino. Shkencëtarët ndoqën një familje me këtë sëmundje për disa vite dhe zbuluan se ajo shkaktohet nga mutacionet në gjenin Grin2C, i cili kodon nën-njësinë Nmda të receptorit të glutamatit. Receptorët e glutamatit janë të rëndësishëm për komunikimin neuronal, formimin e kujtesës, mësimin dhe rregullimin.
Për më tepër, receptorët e glutamatit janë implikuar në sëmundje të shumta neurodegjenerative për shkak të rolit të tyre qendror në eksitotoksicitetin dhe përhapjes së tyre në të gjithë sistemin nervor qendror. Shkencëtarët italianë treguan se studimi i tyre kërkon zhvillimin e ilaçeve të reja që mund të zvogëlojnë eksitotoksicitetin cerebral për të ngadalësuar përparimin e sëmundjes Alzheimer. Sëmundja e Alzheimerit është një çrregullim i trurit që shkakton një rënie progresive në aftësitë e kujtesës, të të menduarit, të të mësuarit dhe organizimit.
Ajo përfundimisht ndikon në aftësinë e një personi për të kryer aktivitetet bazë të përditshme. Pacientët jetojnë shpesh në të kaluarën dhe e kanë të vështirë të njohin objektet dhe personat e jetës së tyre të përditshme. Gradualisht, vjen një moment kur këta pacientë nuk mund të jetojnë dot vetëm, duke u shndërruar kështu në një barrë për familjarët e tyre. Sëmundja e Alzheimerit është shkaku më i shpeshtë i demencës dhe një nga burimet kryesore të vdekshmërisë në popullatën e moshuar.
Janë 293 variante të reja gjenetike të lidhura me rrezikun e zhvillimit të depresionit, sipas një studimi të mbi 5 milionë njerëzve nga 29 vende dhe të etnive të ndryshme. Studimi u krye nga Grupi i Punës për Çrregullimet Depresive të Konsorciumit Psychiatric Genomics, i udhëhequr nga Andrew McIntosh nga Universiteti i Edinburgut në Britani. Ai përfshin gjithashtu studiues italianë nga Universiteti i Bolonjës dhe Universiteti i Trentos. Studiuesit analizuan të dhënat nga gati 689 000 njerëz të diagnostikuar me depresion dhe rreth 4.3 milionë njerëz pa këtë çrregullim.
