Reperi i njohur 50 Cent duket se nuk po e mban aspak gojën kur vjen puna tek kolegu i tij, Sean “Diddy” Combs, i cili po përballet me akuza serioze që përfshijnë trafikim seksual dhe shantazh.
Ndërsa Diddy ndodhet në qendër të një furtune akuzash ligjore, 50 Cent ka zgjedhur rrjetet sociale si arenë për të shfaqur ironinë dhe talljen e tij të hapur ndaj situatës.
Një nga postimet më të fundit tregon një imazh të krijuar nga inteligjenca artificiale, ku 50 Cent shfaqet si anëtar i jurisë në një gjyq të supozuar të Diddy-t. Ky imazh shoqërohet nga mbishkrimi provokues
“Nuk jam i sigurt nëse kjo është e drejtë, por mos u shqetësoni, jini të lumtur”.
Por talljet e reperit nuk kanë përfunduar me kaq. Ai ka ndarë gjithashtu disa postime të tjera të gjeneruara nga AI, duke e portretizuar Diddy-n në burg me vaj për foshnje, duke shkruar në mënyrë thumbuese se ai “ka shumë të ngjarë të kapet me 784 dildo dhe lubrifikantë”.
Përveç kësaj, 50 Cent ka ripostuar akuza të mëparshme kundër Combs, duke përfshirë pretendimet e 50 personave për përfshirjen e tij në vrasjen e Notorious B.I.G. në vitin 1997, kritika ndaj marrëdhënieve të tij të biznesit dhe aludime për lidhjen e tij të dyshuar me Daphne Joy, nënën e djalit të tij më të vogël, e cila gjithashtu përmendet në një nga paditë kundër Diddy-t.
Pavarësisht përpjekjeve të Combs për të minimizuar publikisht konfliktin dhe mohimit të akuzave, 50 Cent duket i vendosur të vazhdojë me shakatë e tij, veçanërisht pas arrestimit të Combs në shtator të vitit 2024.
Ende nuk ka një reagim zyrtar nga kampi i Diddy-t ndaj këtyre talljeve të vazhdueshme nga 50 Cent. Mbetet për t’u parë se si do të zhvillohet më tej kjo sagë mes dy figurave të njohura të botës së muzikës.
