Donald Trump ka bërë një deklaratë surprizuese që ka ndezur menjëherë rrjetin dhe mediat amerikane.
Në një intervistë të fundit për New York Times, presidenti zbuloi se reperi i famshëm P Diddy i kishte dërguar një letër personale ku i kërkonte falje.
Gjatë bisedës me gazetarët, Trump madje bëri shaka duke i pyetur nëse donin ta shihnin letrën, por në fund zgjodhi të mos e publikojë. Ai u shpreh qartë se nuk po e merr në konsideratë faljen e reperit.
Unë e quaj Puff Daddy. Ai më kërkoi falje
– tha Trump shkurtimisht, pa dhënë detaje të mëtejshme mbi përmbajtjen e letrës.
Nga ana tjetër, ekipi ligjor i Diddy-t ka refuzuar të komentojë mbi deklaratat e Trump apo mbi statusin e ndonjë kërkese zyrtare për falje.
Megjithatë, sipas Deadline, Trump kishte shqyrtuar mundësinë e një faljeje presidenciale për Diddy-n në korrik të vitit të kaluar, por më pas hoqi dorë nga ideja.
Avokatët e reperit kanë konfirmuar se kishin bërë përpjekje për të fituar favorin e Shtëpisë së Bardhë, çka hedh dritë mbi prapaskenat e kësaj historie të ndërlikuar.
Ndërkohë, me një proces të përshpejtuar apelimi, Diddy pritet të lirohet nga burgu në New Jersey më 25 maj 2028.
Deklarata e Trump shton edhe më shumë pikëpyetje mbi marrëdhënien mes politikës, famës dhe drejtësisë, dhe me gjasë kjo histori nuk ka thënë ende fjalën e fundit.
