Rizarta dhe Aldo patën një afrim të dukshëm gjatë qëndrimit të tyre në shtëpinë e Big Brother VIP, duke ngjallur spekulime për një lidhje të mundshme mes tyre. Edhe pse pas përfundimit të spektaklit nuk pati një konfirmim të qartë, një video e fundit e postuar nga Rizarta në TikTok ka rindezur dyshimet e fansave.
Në klipin e saj, ajo lë të kuptohet se ndodhet në një romancë me një prej ish-banorëve, pa përmendur emra konkretë. Megjithatë, gjestet dhe mënyra e të shprehurit sugjerojnë se bëhet fjalë për Aldon.
Fansat janë mjaft të interesuar dhe komentet në rrjete sociale kanë shpërthyer me pyetje rreth kësaj romance të mundshme. Megjithatë, për një konfirmim zyrtar, pritet një deklaratë më e drejtpërdrejtë nga vetë çifti në ditët në vijim.
