Mirlind Daku nuk do të jetë i gatshëm për Shqipërinë në Poloni. 28-vjeçari po vuan dëmtimin te Rubin Kazan, për këtë i duhet të qëndrojë edhe rreth një muaj jashtë fushës së blertë.
Ky lajm është më i keqi i mundshëm, duke pasur parasysh që edhe Rei Manaj mungon. Dëmtimet janë serioze, për këtë nuk mund të japin kontributin e tyre.
Kombëtarja e Shqipërisë po përballet me një situatë të vështirë sa i përket dëmtimeve, ndërsa në prag është ndeshja me Poloninë. Qendra e sulmit po tradhton kuqezinjtë, ndërsa trajneri Silvinjo duhet të mendojë për zgjedhjet e duhura.
Armando Broja, Myrto Uzuni, Indrit Tuci dhe Taulant Seferi për momentin shfaqen si alternativa, që të kontribuojnë në qendër të sulmit. Seferi do e kishte një rikthim te Kombëtarja sepse ftesa për të mungoi në vitin 2025.
LEXO EDHE: Kumbulla “zhduket” nga skuadra! Në Spanjë nuk e dinë problemin e mbrojtësit shqiptar!
Kombëtarja shqiptare nis përgatitjet për sfidat e muajit mars në kuadër të fazës “play-off” për Kupën e Botës 2026, me synimin për të siguruar një vend në kompeticionin më të madh të futbollit botëror.
Sipas programit të përcaktuar, trajneri Silvinjo do të bëjë publike listën e lojtarëve të grumbulluar ditën e shtunë, më 21 mars, në orën 10:00, ndërsa në orën 11:00 do të zhvillohet edhe konferenca për shtyp në ambientet e “Shtëpisë së Futbollit”.
Grumbullimi zyrtar i Kombtares do të nisë më 23 mars, ditë e hënë, kur do të zhvillohet dhe seanca e parë stërvitore në prag të sfidës me Poloninë.
LEXO EDHE: Champions League/ Mësohen katër ndeshjet çerekfinale, datat dhe oraret e sfidave!
Kuqezinjtë do të zbresin në fushë më 26 mars për t’u përballur me Poloninë, ndërsa më 31 mars Shqipëria do të luajë ndeshjen e radhës ndaj fituesit ose humbësit të çiftit mes Ukrainë/Suedi.
