Ashley Graham ka marrë gjithë vëmendjen në një nga ndejat më ekskluzive para Met Gala, të organizuar nga Jeff Bezos dhe Lauren Sánchez në zemër të New York-ut.
Modelja u shfaq krah bashkëshortit të saj, Justin Ervin, e veshur me një fustan të ngushtë që theksonte format e saj trupore dhe figurën ikonike në formë ore rëre. Paraqitja e saj elegante dhe vetëbesimi në tapetin e eventit nuk kaluan pa u komentuar gjatë në rrjetet sociale.
Megjithatë, përveç stilit, një tjetër detaj ka ndezur diskutimet: ndryshimi i dukshëm në pamjen e saj fizike. Pas paraqitjes në premierën e filmit The Devil Wears Prada 2, shumë ndjekës kanë spekuluar nëse ajo mund të ketë përdorur ilaçin Ozempic për humbje peshe.
Pavarësisht aludimeve, Graham ka qenë e qartë në qëndrimin e saj, duke kritikuar hapur trendin e përdorimit të barnave GLP-1 për qëllime estetike. Ajo i ka cilësuar këto metoda si të përkohshme dhe në kundërshtim me mesazhin e pranimit të trupit që ajo promovon prej vitesh.
Ndërkohë, ekspertët theksojnë se medikamente të tilla duhet të përdoren vetëm me rekomandim mjekësor, pasi abuzimi mund të ketë pasoja serioze për shëndetin.
Mes kritikave dhe komplimenteve, një gjë është e sigurt: Ashley Graham di gjithmonë si të jetë në qendër të vëmendjes.
