Portieri i Cremoneses qëndroi në tokë për disa minuta në tribunën e tifozëve zikaltër.
Pati momente frike në minutën e 49-të të ndeshjes Cremonese-Inter, kur një fishekzjarr u hodh nga sektori i tifozëve Zikaltër dhe shpërtheu pranë këmbëve të portierit vendas, Audero, i cili u rrëzua në tokë dhe qëndroi aty për disa minuta.
Arbitri e ndaloi përkohësisht ndeshjen dhe një brohoritje kundër portierit (“Duhet të vdesësh”) shpërtheu nga tribunat e tifozëve të Interit, dhe kapiteni Lautaro Martinez, më pas edhe Chivu shkuan për të qetësuar tifozët e tyre. Pati disa momente tensioni, por më pas Audero, disi i hutuar, u ngrit, sinjalizoi se ishte i aftë të vazhdonte dhe ndeshja rifilloi.
“Sporti ka vlera që janë vërtet shumë larg asaj që pamë. Autoritetet po hetojnë një akt të izoluar dhe ajo që mendoj se ndahet nga të gjithë tifozët e Interit është se futbolli duhet të distancohet vërtet nga këto incidente”, tha presidenti i Interit, Beppe Marotta. “Ne e dënojmë këtë me fjalët më të ashpra. Autoritetet do të arrijnë te personi përgjegjës dhe i gjithë klubi i Interit shpreh dënim të qartë dhe të plotë për atë që ndodhi. Një akt vërtet i pakuptimtë. Gjithashtu falënderojmë Auderon për profesionalizmin e tij.”
“Këto gjëra nuk duhet të ndodhin; ekziston një rrezik personal. Edhe ne futbollistët jemi qenie njerëzore, ne bëjmë një shfaqje që mund të shihet në të gjithë botën dhe duhet të jemi të kujdesshëm për këto gjëra”, tha Lautaro Martinez për DAZN. “I kërkojmë falje Auderos, i cili ishte kampion me ne me në fitimin e Yllit të Dytë, dhe gjithashtu u kërkojmë falje të gjithë tifozëve të Cremoneses. Këto gjëra nuk duhet të ndodhin.”
Inter nuk di të ndalet në Serie A. Në sfidën e javës së 23, skuadra zikaltër iu imponua Cremoneses në fushën e kësaj të fundit duke e mundur me rezultatin 2-0 dhe për të cuar për momentin në 8 pikë diferencën me Milanin e vendit të dytë.
LEXO EDHE: Mbappe i jep fitoren Realit në minutën e 100-të, ‘Galaktikët’ mposhtin 2-1 Vallecanon!
Ishte një ndeshje të cilën Interi e vendosi praktikisht që në pjesën e parë të sfidës kur shënoi të dy golat e tij. Vetëm 16 minuta priti skuadra e drejtuar nga Cristian Chivu për të zhbllokuar rezultatin me Lautaro Martinez që shënoi kështu golin e tij të 13 në kampionat. Ndërsa në minutën e 31, Zielinski dyfishoi shifrat për Interin që shkoi në pushimin e ndeshjes me avantazhin 2-0.
Në pjesën e dytë historitë e kësaj ndeshjeje nuk ndryshuan më edhe pse Cremonese pati një shans shumë të mirë për të rihapur llogaritë e saj me Zerbin që u ndal nga shtylla. Pas kësaj fitoreje Interi është i qetë në krye të klasifikimit me 55 pikë, ndërsa Cremonese me 23 pikë në vendin e 15.
