Errol Musk, babai i Elon Musk, ka kritikuar ashpër të birin dhe aftësitë e tij prindërore gjatë një intervistë në podcastin “Wide Awake”.
Ai theksoi se Elon nuk kishte qenë një baba i mirë, duke përmendur tragjedinë e djalit të parë të Elonit, Nevada, i cili vdiq në vitin 2002 kur ishte vetëm 10 javësh, ndërsa ishte nën kujdesin e dadove.
Errol përmendi gjithashtu se fëmijët e Elonit dhe Justine Wilson kishin shumë dado, dhe pas ndarjes së tyre, deri në 12 dado kujdeseshin për ta, duke e cilësuar këtë situatë si “shumë të çuditshme”.
Kur u ndanë, ishin gjashtë dado nga njëra anë dhe gjashtë nga ana tjetër. Një situatë shumë e çuditshme
Në intervistë, Errol gjithashtu sugjeroi se Elon nuk kalonte mjaftueshëm kohë me fëmijët e tij, komente që shkaktuan reagime të shumta në rrjetet sociale, ku shumë njerëz i dënuan ato.
Kritikat ndaj Errolit janë shtuar, duke u theksuar edhe sjellja e tij e diskutueshme, përfshirë faktin se ai ka një fëmijë me ish-njerkën e tij, Jana Bezuidenhout.
Përveç fëmijëve me Justine, Elon ka gjithashtu tre fëmijë me Grimes dhe disa të tjerë me partnerë të ndryshëm, duke përfshirë binjakët Strider dhe Azure me Shivon Zilis.
Së fundmi, influencerja Ashley St. Claire njoftoi se ka lindur një fëmijë të 13-të nga Elon, megjithatë ajo e fshiu shpejt postimin.
