Pas performancës historike në pushimin e Super Bowl 2026, Bad Bunny ka shënuar një rritje të jashtëzakonshme të transmetimeve në Spotify. Në SHBA, këngët e tij u dëgjuan 470% më shumë, ndërsa globalisht u regjistrua një rritje prej 210%.
Që nga e hëna, artisti zuri gjashtë vendet e para në listën e këngëve më të dëgjuara ditore në SHBA, sipas Rolling Stone.
Performanca elektrizuese përfshinte hite të njohura të Bad Bunny dhe referenca të kulturës latine, si dhe paraqitjet e Ricky Martin dhe Lady Gaga.
Ricky Martin gjithashtu përjetoi një rritje prej 145% të transmetimeve në SHBA.
Disa nga këngët më të njohura të Bad Bunny, si “Yo Perreo Sola” (2020) dhe “El Apagón” (2022), panë rritje dramatike, respektivisht 2,170% dhe 1,320%.
Edhe këngë si “CAFé CON RON” dhe “LO QUE LE PASÓ A HAWAii” u transmetuan më shumë, ndërsa kjo e fundit u performua nga Ricky Martin në një moment të veçantë. Përveç rritjes së transmetimeve, kënga “DtMF” u rikthye në Billboard Hot 100 në vendin e 10-të.
Muajin e kaluar, këngët e Bad Bunny u transmetuan globalisht më shumë se 1.3 miliardë herë, duke u përgatitur për performancat e tij në Grammy dhe Super Bowl.
Para ndeshjes, këngët më të dëgjuara ishin nga albumi më i fundit “Debí Tirar Más Fotos”, përfshirë “DtMF”, “BAILE INoLIVIDABLE”, “NUEVAYoL” dhe “EoO”, ndërsa hiti i njohur “Tití Me Preguntó” nga “Un Verano Sin Ti” mbeti ndër më të dëgjuarat.
Performanca e Bad Bunny në Super Bowl 2026 duket se ka konsoliduar pozicionin e tij si një nga artistët më të ndjekur globalisht dhe ka rigjallëruar interesin për katalogun e tij muzikor.
