Këngëtarja kubano-amerikane Camila Cabello festoi ditëlindjen e saj të 29-të në një mënyrë të veçantë, në krah të të dashurit të saj miliarder, Henry Junior Chalhoub.
Artistja ndau në Instagram një seri fotografish nga festa e ditëlindjes, ku përfshihej edhe një imazh i rrallë me partnerin e saj.
Kjo ishte hera e parë që çifti shihej së bashku pas më shumë se katër muajsh. Ata ishin fotografuar për herë të fundit në tetor, kur morën pjesë në festën e Halloween-it të organizuar nga Vas J Morgan dhe Michael Braun.
Në njërën nga fotot, Camila Cabello dhe Henry Junior Chalhoub shfaqen pranë një torte gjigante me katër kate, të dekoruar me krem të bardhë dhe lule shumëngjyrëshe.
Biznesmeni libanez 39-vjeçar, i cili është trashëgimtar i kompanisë së njohur të luksit “Chalhoub Group” me bazë në Dubai, shihej i ulur pranë këngëtares duke e parë me një vështrim plot dashuri.
Fotot e tjera të publikuara nga Cabello tregojnë artistën duke festuar dhe duke shijuar një copë nga torta e saj e ditëlindjes.
Për herë të parë, zërat për një lidhje romantike mes Camila Cabello dhe Henry Junior Chalhoub nisën në nëntor të vitit 2024, pasi të dy u panë në festën pas sfilatës së modës së stilistit Elie Saab në Saudi Arabia.
