Një ceremoni mortore në Meksikë ka tërhequr vëmendjen në rrjetet sociale për shkak të mënyrës së pazakontë të lamtumirës. Një video që është bërë virale tregon një grua duke bërë ‘twerk’ pranë arkivolit të hapur të bashkëshortit të saj, ndërsa në sfond dëgjohet kënga e njohur reggaeton “En La Cama” e vitit 1999. Të pranishmit, disa prej tyre me lot në sy, duartrokasin dhe këndojnë, të veshur me bluza ku është printuar fotografia e të ndjerit.
Un servicio ofrece en funerales presentaciones del artista Cristian Huancahuari, conocido popularmente como "El Cangri del Callao". 🤔
En redes sociales comentan que esta es una manera de despedir a los difuntos, que muchas veces preferirían ver a su familia feliz. 🕊️
¿Estás… pic.twitter.com/r7Xs9fgfxW
— El Heraldo de México (@heraldodemexico) June 29, 2026
Në pamje shihen edhe dy burra me mikrofonë pranë arkivolit, ndërsa koka e të ndjerit është e dukshme përmes hapjes së tij. E veja vallëzon pranë arkivolit, e inkurajuar nga të afërmit dhe miqtë. Në një moment ajo vendos këmbët mbi arkivol dhe vazhdon të kërcejë në ritmin e muzikës, përpara se të ftojë edhe një grua tjetër t’i bashkohet.
Videoja u publikua nga artisti peruan Cristian Huancahuari, i njohur me nofkën “El Cangri del Callao”, i cili njihet për performancat e tij private që synojnë t’u japin ceremonive mortore një atmosferë më festive dhe një mënyrë alternative për t’i dhënë lamtumirën të ndjerëve. Që nga publikimi i saj të shtunën, më 27 qershor, videoja ka grumbulluar miliona shikime dhe mijëra komente.
