Zbuloni disa nga ngjarjet më të bujshme në rrjet të javës që lamë pas…
1. Deklaratat e fundit të Kanye West për Kim Kardashian, duke e akuzuar atë për trafikim fëmijësh, janë konsideruar absurde nga ata që janë afër saj, veçanërisht duke marrë parasysh lidhjet e tij me vëllezërit Tate. Akuzat lidhen me pjesëmarrjen e North West në një këngë të FKA Twigs dhe një TikTok, të cilat Kanye i lidh me trafikimin.
2. E ftuar në emisionin “Pardon My French” ka qenë Livia Brunga. Ish-banorja e “Big Brother VIP” ka treguar më shumë detaje nga rrugëtimi i saj dhe eksperienca në këtë format. Kur u pyet në lidhje me jetën e saj personale nëse është single apo në një lidhje, Livia u përgjigj duke thënë:
Në këtë moment nuk kam sy për askënd. Po merrem vetëm me veten. Unë kam qenë e lidhur deri vonë dhe nuk më ngacmonin çunat aspak. Po mendoj për veten. Jam single, por merrem me veten. Fokusi tek Livia.
3. Aktori hollivudian Tom Cruise dhe aktorja kubane Ana de Armas janë parë sërish së bashku në Londër, duke nxitur spekulime mbi një lidhje të mundshme mes tyre. Dyshja u fotografua duke zbritur nga një helikopter në heliportin e Battersea më 14 mars, të veshur me rroba të thjeshta dhe të buzëqeshur. Kjo është dalja e tyre e dytë publike brenda një muaji, pasi më parë u panë duke darkuar në një restorant në Soho, Londër, më 13 shkurt, në prag të Shën Valentinit.
4. Aktorja e “James Bond”, Naomie Harris, ka shprehur mbështetjen e saj për Regé-Jean Page si pasardhësin e Daniel Craig në rolin e 007. Harris, e njohur për rolin e Eve Moneypenny, tha për “Harper’s Bazaar UK” se Regé-Jean Page ka një stil dhe elegancë që e bën atë një kandidat ideal për rolin e James Bond-it. Gjatë intervistës, ajo u shpreh skeptike për ndryshimet e mundshme që Amazon mund t’i sjellë ekskluzivitetit të Bond-it, duke theksuar rëndësinë e ruajtjes së elementeve klasike të sagës.
5. Eva Longoria ka zbuluar se është kushërirë e Meryl Streep, një lidhje familjare që ka ngjallur shumë befasi. Gjatë një paraqitjeje më 19 mars në “The Tonight Show Starring Jimmy Fallon”, Longoria tregoi se ajo dhe Streep janë të afërta dhe se e mësuan lidhjen e tyre familjare përmes dokumentarit “Faces of America” të Henry Louis Gates, Jr. nga viti 2010.
