Zbuloni disa nga ngjarjet më të bujshme në rrjet të javës që lamë pas…
1. Ylli italian i muzikës pop, Laura Pausini ka ndarë me ndjekësit se si ka arritur të zhdukë kilogramët e tepërta nga trupi i saj.
Fillova një dietë me një dietolog në prill. Kam ngrënë për 5 muaj, duke peshuar gjithçka dhe nuk e neglizhova kurrë. Fillova të bëja gjimnastikë 3 herë në javë për një vit të tërë dhe nisa një turne 3 orë në mbrëmje në skenë, ku nuk e kurseva veten fizikisht. Peshohesha një herë në muaj për të kuptuar nëse ajo që po bëja po funksiononte. Vazhdoja me përpjekje dhe këmbëngulje për të hequr kilogramët që nuk më linin të ndihesha e qetë në skenë dhe jashtë saj. Nuk kam bërë asnjë injeksion dhe nuk kam përdorur metodat që janë në modë sot për të humbur peshë shpejt. Të gjithë ma kanë rekomanduar dhe meqë ra fjala nuk jam mjeke por përpara se të fus diçka në trup preferoj të njoh mundësitë pozitive, por edhe negative të çdo gjëje. Për të humbur peshë (të paktën për mua) ju duhet mbi të gjitha vullneti dhe sakrifica dhe nëse e bëni këtë ngadalë do të përfitojë edhe lëkura dhe humori juaj për të qenë i mirë.
2. Gwyneth Paltrow është ndoshta një nga aktoret që ka tërhequr vëmendjen e të gjithëve në Hollivud, jo vetëm për karrierën e saj mbresëlënëse para kamerës, por edhe për jetën e saj të dashurisë. Aktorja 52-vjeçare ka ndarë jetën e saj me disa nga burrat më të kërkuar në botë, të tilla si me yllin hollivudian Brad Pitt apo edhe me ish-burrin e Jennifer Lopez, Ben Affleck. Si janë këta dy burra në mënyrë private? Këtë e ka zbuluar aktorja në podcasting “Call Her Daddy”. Sa i përket stilit, ajo nuk ka dyshime: “Ndoshta Brad”. Sidoqoftë, për sa i përket më të dashurit, ajo thotë se ishte Ben Affleck, gjithashtu ai që komunikonte më së shumti. Ndërsa për atë që puthte më mirë, Gwyneth Paltrow nuk donte të fliste, por foli në lidhje me marrëdhënien intime më të mirë. “Me Brad Pitt unë kisha më shumë kimi por edhe Ben Affleck ishte teknikisht i shkëlqyeshëm”-zbuloi ajo pa hezituar.
3. Komediani dhe aktori amerikan Pete Davidson ka zbuluar se është përfshirë në një proces të gjatë e të dhimbshëm për të hequr mbi 200 tatuazhe nga trupi i tij. Në një intervistë për “Variety”, ai tha se ka nisur këtë rrugëtim gjatë pandemisë në vitin 2020 dhe parashikon që të përfundojë pas afro një dekade.
4. Raporti i Valbona Mhillit dhe Jozefin Markut në shtëpinë e “Big Brother VIP 4”, ka qenë shumë i komentuar. Shkak u bë veprimi që gazetarja bëri për këngëtarin kur u eliminua për herë të parë nga shtëpia më e famshme në Shqipëri. Valbona theu kutinë e emergjencës ku e riktheu atë sërish në shtëpi, duke i dhënë një mundësi të dytë. E pyetur në atë kohë se pse e bëri një gjë të tillë, ajo u shpreh se ‘e ka si vëlla, pasi është shok me vëllezërit e saj’, por ndërkohë në Jozi është shprehur se nuk i dinte emrat e tyre. Ndërkohë, e ftuar në emisionin “Në shtëpinë tonë”, në Top Channel, ish-banorja e BBV4 ka zbuluar nëse ka folur me Jozin tani që reality show ka përfunduar dhe pas incidentit të paprecedentë që ndodhi gjatë spektaklit të gjysmëfinales.
Valbona kjo është, rrezikon për miqtë e saj deri në pikën e fundit. Absolutisht nuk pendohem për asnjë gjë që kam bërë në shtëpinë e “Big Brother”, ajo është një përgjegjësi personale e Jozit, diçka që unë kam reaguar dhe e kam dënuar. Unë di që Jozi është mirë, gëzon shëndet të mirë, por nuk është se ne kemi patur ndonjë kontakt.
5. Livia Brunga, një nga konkurrentet më të komentuara të edicionit të katërt të “Big Brother VIP Albania”, është rikthyer në ekran pas daljes nga shtëpia më e famshme në vend. Pas përfundimit të rrugëtimit të saj në BBVIP, ajo është rikthyer në programin ku mori fillimisht famën – “Për’puthen”. Gjatë pjesëmarrjes në BBVIP, Livia u përfol shumë për marrëdhënien e saj me Mevlan Shabën, duke bërë deklarata që ngjallën diskutime brenda dhe jashtë shtëpisë. E ftuar në një episod të fundit të “Për’puthen”, moderatorja Megi Pojani e pyeti drejt për drejt nëse gjithçka mes saj dhe Mevlanit kishte përfunduar. Pa hezituar, Livia u përgjigj:
Po, tash momentalisht mund të them që ka marrë fund.
