Nga filma plot aksion që të mbajnë në majë të karriges, te projektet më të fundit nga regjisorë legjendarë dhe seriale të shumëpritura që vijnë në ekranin e vogël, këto janë titujt që nuk duhet t’i humbisni këtë muaj.
Caught Stealing
Një thriller kriminal me kast të zjarrtë, përfshirë Austin Butler, Regina King, Zoë Kravitz, Matt Smith dhe Liev Schreiber – ndjek historinë e një ylli të dikurshëm të bejsbollit (Butler), që papritur përfshihet në botën e krimit të viteve ’90 në New York. Me regji të Darren Aronofsky (Black Swan, The Whale, The Wrestler) dhe bazuar në romanin me të njëjtin titull nga Charlie Huston, ky film është për t’u parë patjetër në kinema.
Në kinema nga 29 gusht
The Thursday Murder Club
Bazuar në romanin e parë të Richard Osman të vitit 2020, një kast yjesh bashkohen për të sjellë në jetë këtë mister vrasjeje, të hetuar nga një grup të moshuarish amatorë por të vendosur. Në role: Helen Mirren, Pierce Brosnan, Ben Kingsley, Celia Imrie, David Tennant, Jonathan Pryce, Naomi Ackie, Daniel Mays dhe Richard E Grant.
Në Netflix nga 28 gusht
Highest 2 Lowest
Spike Lee dhe Denzel Washington ribashkohen për një dramë kriminale neo-noir, e cila risjell filmin thriller të Akira Kurosawa High And Low (1963). Washington interpreton një mogul të industrisë muzikore që bëhet shënjestër e një shantazhi, me pjesëmarrjen e Ilfenesh Hadera, Jeffrey Wright, A$AP Rocky dhe debutimin kinematografik të Ice Spice.
Në kinema nga 22 gusht
Washington Black
Një tjetër përshtatje letrare që vjen në ekranin e vogël këtë verë është mini-seriali me tetë episode, bazuar në romanin më të shitur të Esi Edugyan. Ngjarja zhvillohet në shekullin XIX dhe ndjek udhëtimet e 11-vjeçarit George Washington “Wash” Black, i cili largohet nga plantacioni i Barbados-it pas një ngjarjeje tronditëse. Me Sterling K Brown, Ernest Kingsley Jr, Rupert Graves dhe Tom Ellis.
Në Hulu/Disney+ tani
Alien: Earth
Franshiza kult “Alien” shkon për herë të parë në televizion, si një prequel i filmit origjinal të vitit 1979. Ngjarja vendoset dy vite më herët dhe ndjek Wendyn (Sydney Chandler) – hibridin e parë njeri-robot – dhe një grup ushtarësh që zbulojnë një anije misterioze kërkimore hapësinore që përplaset në Tokë. Me regji nga Noah Hawley dhe prodhim nga Ridley Scott.
Në Hulu/Disney+ nga 12 gusht
The Bear
Shefi ynë i preferuar me bluzë të bardhë rikthehet për sezonin e katërt të serialit të shumëvlerësuar dramatik mbi botën e kuzhinës. Sezoni i tretë përfundoi me një cliffhanger dhe vendime të rëndësishme për t’u marrë nga personazhet kryesore, të cilët rikthehen me aktorët Jeremy Allen White, Ayo Edebiri, Ebon Moss-Bachrach, Abby Elliot, Molly Gordon dhe Jamie Lee Curtis.
Në Disney+ tani
