Christopher Nolan ka zbuluar një nga rregullat më të pazakonta që zbaton gjatë xhirimeve të filmave të tij. Regjisori i njohur nuk lejon që aktorët të veshin çizme apo papuçe të rehatshme, si Uggs, ndërsa ndodhen në set.
Në një intervistë të fundit, Nolan shpjegoi se gjithçka nisi si një shaka me aktoret Anne Hathaway dhe Emily Blunt, por me kalimin e kohës u kthye në një rregull që ai e zbaton seriozisht.
Sipas tij, aktorët shpesh zgjedhin këpucë të buta dhe komode mes skenave, pasi kostumet dhe këpucët që kërkojnë rolet mund të jenë të lodhshme për t’u mbajtur gjatë gjithë ditës.
Megjithatë, Nolan beson se këto detaje të vogla mund të ndikojnë në atmosferën e xhirimeve dhe në mënyrën se si aktorët e përjetojnë personazhin e tyre.
Përpiqemi të krijojmë një botë ku aktorët të qëndrojnë të zhytur plotësisht në rolet e tyre. Kur dikush shfaqet me Uggs ose me diçka që të rikthen menjëherë në realitetin e përditshëm, ai iluzion prishet
-ka shpjeguar regjisori.
Ai shtoi se në një set ku ndodhen kamera gjigante, pajisje teknike dhe dhjetëra anëtarë të ekipit, është e rëndësishme që çdo element të ndihmojë aktorët të mbeten të fokusuar në universin e filmit.
Sipas Nolanit, edhe gjëra në dukje të parëndësishme, si dikush që ha jashtë kuadrit apo veshje që duken tepër moderne, mund t’u kujtojnë aktorëve se ndodhen në një xhirim dhe jo në realitetin që po përpiqen të krijojnë.
Regjisori pranoi se ndalimi i Uggs-eve mund t’u duket disave i çuditshëm ose i ekzagjeruar, por për të ato janë simbol i rehatisë moderne, diçka që nuk përputhet me atmosferën që dëshiron të krijojë në filmat e tij.
Megjithatë, ai e mbylli me humor, duke theksuar se nuk ka asgjë kundër këtyre këpucëve.
Uggs-et janë fantastike dhe jashtëzakonisht të rehatshme… thjesht jo gjatë xhirimeve
-u shpreh Nolan.
