Chuck Norris ka njoftuar me dhimbje kalimin në amshim të nënës së tij, Wilma, në moshën 103-vjeçare.
Aktori legjendar ka shpërndarë një mesazh prekës në Instagram, duke përshkruar nënën si një “grua me besim të palëkundur” dhe një “fener drite” për të dhe familjen e tij.
Norris ka shprehur mirënjohjen për dashurinë e pafund që ajo dha gjatë gjithë jetës, duke thënë se qeshurat dhe përqafimet e saj mbushnin gjithmonë shtëpinë me gëzim dhe siguri.
Ai e ka cilësuar dashurinë e nënës si një pasqyrim të hirit të Zotit dhe ka theksuar mësimet e rëndësishme që ajo i dha, duke nënvizuar vlerat e mirësisë dhe dhembshurisë.
Në fund të postimit, Norris ka falënderuar nënën për lutjet dhe dashurinë që ndante çdo ditë dhe ka përfunduar me një mesazh të ngrohtë:
Ne të duam, mami. Derisa të takohemi përsëri.
