Cristiano Ronaldo ka folur hapur për të ardhmen e tij në futboll, duke pranuar se fundi i karrierës është afër, por pa dhënë një afat konkret për tërheqjen. Pas fitores së Al Nassr ndaj Al Ahli, ku shënoi golin e tij të 970-të në karrierë, kapiteni portugez theksoi se po vazhdon të shijojë çdo moment në fushë.
Ai u shpreh se karriera e tij ka qenë e jashtëzakonshme dhe dëshiron që të vazhdojë në të njëjtin nivel, duke nënvizuar se motivimi i tij kryesor mbetet fitimi i trofeve. Ronaldo theksoi gjithashtu se luan jo vetëm për veten, por edhe për brezat e ndryshëm të tifozëve, duke shtuar se pasioni për lojën nuk ka ndryshuar.
Megjithatë, ai nuk dha detaje të sakta për momentin e tërheqjes, duke lënë të hapur mundësinë që të vijojë edhe për një periudhë tjetër. Ndërkohë, sulmuesi mbetet i fokusuar në objektivat me Al Nassr, me synimin për të fituar titullin në kampionatin saudit. Ish-kuzhinieri personal i Cristiano Ronaldos ka zbuluar se 41-vjeçari e ka ndaluar qumështin nga dieta e tij, një regjim i rreptë dhe i pastër ushqimor, që është parë si një faktor kyç i jetëgjatësisë së tij në futboll.
Ronaldo është gati të përfundojë sezonin e tij të 25-të si futbollist profesionist dhe po i afrohet 1000 golave në karrierën e tij, pasi shënoi golin e 969-të në fitoren e Al-Nassr fundjavën e kaluar. Giorgio Barone, i cili i përgatiste ushqimet Ronaldos, ka zbuluar se futbollisti e ka hequr qumështin nga dieta e tij, pavarësisht se është një burim i mirë proteinash dhe kalciumi. ‘Pa qumësht,’ tha Giorgio Barone për Covers.com. “Njerëzit janë të vetmet kafshë që pinë qumështin e kafshëve të tjera. Asnjë kafshë tjetër nuk pi qumësht pas tre muajsh. Viçat nuk pinë qumësht pas moshës tre muajsh. Kafshët nuk pinë qumështin e kafshëve të tjera.
