Influencuesja Alexandra Leclerc ka ndarë disa detaje interesante nga dita e saj e madhe me yllin e Formula One, Charles Leclerc.
Në një video të publikuar më 5 mars për Vogue Australia, Alexandra, 23 vjeçe, tregoi se kishte marrë një vendim të pazakontë për ditën e dasmës, ta bënte vetë grimin.
Thjesht doja të dukesha si vetja ime. Nuk doja të vendosja shumë më tepër grim se zakonisht apo të bëja diçka krejtësisht ndryshe nga ajo që bëj normalisht, sepse doja të dukesha si unë në ditën time të veçantë dhe që pas 10 vitesh ta shoh dhe të mos pendohem për zgjedhjet e mia të grimit
-u shpreh ajo.
Sipas saj, vendimi për ta bërë vetë grimin ishte mënyra më e mirë për të ruajtur një pamje natyrale.
Modelja tregoi gjithashtu se kishte kërkuar frymëzim në internet përpara ditës së madhe.
Jam shumë e kënaqur me rezultatin. Thjesht hyra në Pinterest dhe mblodha shumë fotografi nga njerëz që më pëlqenin, i vendosa në një dosje të vogël dhe bëra shumë prova tek vetja para dasmës
-shpjegoi ajo.
Ndër frymëzimet kryesore për grimin e saj ishin artistet e njohura të makeup-it Nina Park dhe Mary Phillips.
Alexandra Leclerc dhe Charles Leclerc njoftuan fejesën në nëntor të vitit 2025, pas më shumë se dy vitesh lidhjeje.
Çifti u martua në një ceremoni elegante civile në Monaco të shtunën, më 28 shkurt. Alexandra ndau më pas disa fotografi dhe video nga ceremonia përmes një postimi në Instagram më 1 mars, duke i dhënë fansave një pamje të veçantë nga dita e tyre e lumtur.
