Presidenti i SHBA-së, Donald Trump, ka paralajmëruar Iranin të bjerë dakord për një marrëveshje bërthamore, duke deklaruar se sulmet e izraelite do të jenë “edhe më brutale”.
Në një postim në Truth Social, presidenti amerikan shkroi se udhëheqësit iranianë “janë të gjithë të VDEKUR tani dhe vetëm do të përkeqësohet!”
“Ka pasur vdekje dhe shkatërrime të mëdha, por ka ende kohë që kjo masakër, me sulmet e ardhshme të planifikuara tashmë që do të jenë edhe më brutale, të marrë fund”, u shpreh Trump. “Irani duhet të bëjë një marrëveshje, përpara se të mos mbetet asgjë, dhe të shpëtojë atë që dikur njihej si Perandoria Iraniane.”
Negociatat mbi një marrëveshje të re bërthamore me Iranin u intensifikuan javët e fundit, por këmbëngulja e Teheranit mbi të drejtën e tij për të pasuruar uranium ishte një pikë e rëndësishme ngërçi.
Postimi i Donald Trump:
I dhashë Iranit shans pas shansi për të bërë një marrëveshje. U thashë atyre, me fjalët më të forta, “thjesht ta bënin”, por pavarësisht se sa shumë përpiqeshin, pavarësisht se sa afër i afroheshin, thjesht nuk mund ta bënin.
U thashë atyre se do të ishte shumë më keq se çdo gjë që dinin, parashikonin ose u ishte thënë, se Shtetet e Bashkuara prodhojnë pajisjet më të mira dhe më vdekjeprurëse ushtarake kudo në botë dhe se Izraeli ka shumë prej tyre, me shumë më tepër që do të vijnë dhe ata dinë si t’i përdorin ato. Disa iranianë të vijës së ashpër folën me guxim, por nuk e dinin se çfarë do të ndodhte.
Ata janë të gjithë të VDEKUR tani, dhe vetëm sa do të përkeqësohet! Ka pasur vdekje dhe shkatërrime të mëdha, por ka ende kohë për ta bërë këtë masakër, me sulmet e ardhshme të planifikuara tashmë që janë edhe më brutale, të marrë fund. Irani duhet të bëjë një marrëveshje, përpara se të mos mbetet asgjë, dhe të shpëtojë atë që dikur njihej si Perandoria Iraniane.
Mjaft me vdekje, jo më shkatërrim, THJESHT BËJENI, PARA SE TË JETË SHUMË VONË. Zoti ju bekoftë të gjithëve!”
