Këngëtarja shqiptare me famë botërore, Dua Lipa, dhe aktori britanik Callum Turner, po shijojnë pushimet e tyre romantike në bregdetin piktoresk të Amalfit.
Çifti, tashmë të fejuar, u fotografuan në momente intime, ku nuk munguan puthjet e përzemërta nën diellin italian.
Dua, 29 vjeçe, tregoi linjat në një bikini me pika bardh e zi, ndërsa Callum, 35 vjeç, u shfaq me rroba banje portokalli dhe lëkurë të djegur nga dielli.
Në të njëjtën intervistë, ajo rrëfeu dëshirën për të pasur fëmijë në të ardhmen, por edhe dilemat për ta përputhur këtë me ritmin intensiv të karrierës.
E dua idenë e të qenit nënë, por të rrisësh një fëmijë kërkon shumë më tepër se vetëm dashuri
-tha ajo, duke shtuar se nuk ka nisur ende planet konkrete për martesë, por ka filluar të mendojë për fustanin e nusërisë.
Dua dhe Callum janë njohur për herë të parë në Londër në një darkë në River Café dhe u ritakuan rastësisht në Los Angeles, ku filloi historia e tyre.
Ata zbuluan se po lexonin të njëjtën novelë në atë kohë – “Trust” nga Hernan Diaz – dhe ndjenë menjëherë një lidhje të veçantë.
Një mijë për qind besoj se jemi të destinuar për njëri-tjetrin
-u shpreh Dua.
Para kësaj lidhjeje, këngëtarja kishte pranuar se kishte kaluar marrëdhënie të vështira që e kishin lënduar, por i shërbyen për të rritur vetëdijen dhe vetëvlerësimin.
Tani e di çfarë nuk pranoj më. Nuk ka të bëjë vetëm me personin e duhur, por edhe me marrëdhënien e duhur
