Një ngjarje tragjike ka ndodhur në Francë, ku një shoferi është hedhur nga treni. Kjo ngjarje ka sjellë probleme të mëdha në linjat e Shpejtësisë së Lartë, duke prekur mijëra udhëtarë me vonesa deri në 5 orë. Incidenti ka ndodhur në Crisenoy, në departamentin e Senës dhe Marnës, në veri të Francës. Autoritetet kanë nisur hetimet për të zbardhur rrethanat e ngjarjes.
Sipas kompanisë hekurudhore SNCF, shoferi i trenit ka humbur jetën menjëherë sapo është hedhur. Pasi ai ka lënë kabinën drejtuese, janë aktivizuar menjëherë pajisjet automatike për ndalimin e trenit dhe ai është ndalur pa pasur asnjë rrezik për pasagjerët. Kompania ka theksuar se siguria e udhëtarëve nuk ka qenë e kërcënuar, pasi qendra e menaxhimit të trafikut është njoftuar automatikisht dhe ka ndërhyrë pa vonesa.
