Aktorja dhe fituesja e “Big Brother VIP Albania”, Egla Ceno, ka ndarë me ndjekësit e saj një moment shumë të ndjeshëm dhe personal, duke bërë të ditur se nëna e saj ka përjetuar një ishemi të papritur.
Përmes një postimi emocional në rrjete sociale, Egla njoftoi se falë ndërhyrjes së menjëhershme të mjekëve dhe stafit të urgjencës së Beratit, si dhe më pas të QSUT-së dhe Spitalit të Neurologjisë, nëna e saj është tashmë në duar të sigurta dhe po merr trajtimin e nevojshëm.
Jeni njerëzit më të rëndësishëm për jetën e mamit tim që nga mëngjesi i sotëm. Jeni një simfoni jete
-shkruan aktorja, duke falënderuar me përzemërsi mjekët dhe infermierët që treguan përkushtim, profesionalizëm dhe kujdes njerëzor gjatë gjithë procesit.
Egla ka listuar edhe emrat e disa prej personave që ndihmuan në këtë moment kritik, duke përmendur dhe emrat e tyre.
Ajo e mbylli mesazhin e saj me fjalë mirënjohjeje:
Faleminderit për shpresën. Në duart tuaja, mami mori një shans të dytë. Mirënjohja ime është e thellë.
Ky mesazh i ndjerë ka prekur ndjekësit e aktores, duke vënë në qendër rolin jetik të mjekëve dhe sistemit shëndetësor në momente vendimtare.
