Pas debateve dhe tensioneve të fundit që kanë përfshirë shtëpinë e Big Brother VIP Albania, fituesja e edicionit të kaluar, Egla Ceno, ka reaguar publikisht përmes një postimi në Instagram, duke shprehur hapur mbështetjen e saj për banorin e ri, Ilir Vrenozin, i cili iu bashkua shtëpisë mbrëmjen e kaluar.
Në mesazhin e saj, Egla sqaron se qëndrimi i saj nuk lidhet me tifozëri apo strategji loje, por me respektin njerëzor që, sipas saj, e ka ndërtuar me Vrenozin larg kamerave dhe vëmendjes mediatike.
Jo sepse ka bërë tifo për mua, por për respektin reciprok sa herë u ulëm për kafe në Korçë. Njeri prej vërteti, pa doreza, me shpirt të madh dhe një grua të mrekullueshme
-shkruan ajo, duke vënë theksin te natyra autentike dhe humori që Vrenozi ka sjellë në shtëpi.
Aktorja shprehet se shpreson që dinamika e lojës dhe emocionet e performancës të mos e deformojnë perceptimin e publikut, por që Vrenozi të shihet ashtu siç është në realitet, pa filtra dhe pa role të sforcuara.
Postimi i saj mbyllet me një mesazh të drejtpërdrejtë motivues:
Forca Vrenoz
Reagimi i Eglës ka ndezur diskutime të shumta në rrjetet sociale, ku shumë ndjekës e kanë parë këtë qëndrim si një thirrje për më shumë sinqeritet, autenticitet dhe më pak lojë brenda formatit të reality show-t më të ndjekur në vend.
