Reali i Madridit ka fituar “El Clasicon” e parë të këtij sezoni, duke mundur në “Santiago Bernabeu” Barcelonën me rezultatin 2-1.
Sfida e transmetuar drejtpërdrejt në DigitAlb nisi me një vrull tepër të lartë, me Mbappe që realizoi një supergol në minutën e 12’, por pas një ndërhyrjeje të VAR-it, goli u anulua për pak centimetra pozicion jashtë loje. Pas 10 minutash, ishte sërish Mbappe që shënoi, kësaj radhe mëse i rregullt, duke shpërthyer festën në “Bernabeu”.
LEXO EDHE: Premier League, Arsenal fitoi derbin me Crystal Palace, Aston Villa ndal Manchester City-n!
Katalanasit reaguan mjaft mirë, duke rikthyer baraspeshën në minutën e 38’ me anë të Fermin Lopezit, rezultat që zgjati vetëm pak. Pas 5 minutash ishte Bellingham që kaloi sërish në avantazh madrilenët. Në fundin e pjesës së parë, Mbappe gjeti sërish rrjetën, por kësaj radhe pozicioni ishte dukshëm i parregullt.
LEXO EDHE: Serie A/ Roma fiton 0-1 kundër Sassuolos dhe i bashkohet Napolit në krye!
Francezi pati sërish rastin për të sjellë qetësi në radhët e “Los Blancos”, por gaboi nga pika e bardhë në të 52’.
Në sekondat e fundit, Pedri u ndëshkua me kartonin e dytë të verdhë, me katalanasit që e mbyllën sfidën me 10 lojtarë. Tensioni dhe përplasjet mes lojtarëve nuk munguan.
Rezultati më pas mbeti i pandryshuar, me Realin që vijon kështu të qëndrojë në vendin e parë të renditjes, kësaj radhe me 27 pikë, 5 më shumë se Barcelona.
REZULTATI:
REAL MADRID 2-1 BARCELONA
Mbappe 22′, Bellingham 43′ / Fermin 38′
Goli i Mbappe (Video)
Goli i Fermin (Video)
Goli i Bellingham (Video)
