Sharon Osbourne ka zbuluar mesazhin prekës që Ozzy Osbourne tha pas koncertit të tij lamtumirës në Birmingham muajin e kaluar.
Këngëtari legjendar i grupit “Black Sabbath” ndërroi jetë në korrik në moshën 76-vjeçare, pas një beteje të gjatë me sëmundjen e Parkinsonit. Pak ditë para ndarjes nga jeta, Ozzy performoi në qytetin e tij të lindjes, Birmingham, në koncertin lamtumirës të titulluar ‘Back to the Beginning’.
Para një audience prej mbi 40,000 fansash, Ozzy falenderoi me fjalët:
Nuk e dini se si ndihem – faleminderit nga zemra
Ky event i veçantë ngriti 190 milionë dollarë për bamirësi, me të ardhurat e ndara mes Spitalit të Fëmijëve në Birmingham, Cure Parkinson’s dhe Acorns Children’s Hospice.
Sharon Osbourne tregoi se Ozzy ishte thellësisht i prekur nga mbështetja e fansave.
Ai më tha atë natë: ‘Nuk kisha idenë që kaq shumë njerëz më donin’
-tha ajo për Pollstar, duke theksuar se Ozzy gjithmonë ishte në botën e tij, por ndjenja e dashurisë nga publiku e emocionoi shumë.
Yjet e muzikës dhe fansat i kanë kushtuar homazhe të shumta Ozzy Osbourne, duke e quajtur atë një legjendë të pakthyeshme të rock-ut.
