Sharon Osbourne ka zbuluar se pas vdekjes së bashkëshortit të saj legjendar, Ozzy Osbourne, ka ndjerë se nuk donte të jetonte më. Ozzy, 76 vjeç, ndërroi jetë më 22 korrik në shtëpinë e tij në Buckinghamshire, vetëm tre javë pas koncertit të tij të fundit me Black Sabbath.
Në një intervistë emocionuese për Piers Morgan: Uncensored, Sharon, 73 vjeçe, tha se ajo kishte menduar ta ndiqte Ozzy-n, por dashuria për fëmijët e saj, Aimee, 42, Kelly, 41, dhe Jack, 40, e ndaloi.
Do të kisha shkuar me Ozzy… Por ata kanë qenë të jashtëzakonshëm me mua, të tre
-tha ajo me lot.
Sharon shtoi se përvojat e saj të kaluara me vështirësi mendore dhe dëshmia e dy vajzave që humbën nënat e tyre nga vetëvrasja e kanë bërë të kuptojë se nuk do të mund të bënte kurrë këtë te fëmijët e saj.
Ajo gjithashtu tha se dhimbja tani ka marrë një vend miqësor në jetën e saj dhe se viziton varrin e Ozzy-t çdo ditë, duke biseduar me të dhe ndezur qirinj për kujtimin e tij.
Është një dhimbje që zgjohemi çdo ditë dhe nuk mund ta largojmë. Është si një vrimë e madhe brenda teje, dhe fëmijët ndihen po ashtu
-tha Sharon, duke përshkruar mënyrën se si familja përballet me humbjen e legjendës së rockut.
