Reperi i njohur shqiptar, Getoar Selimi, ka shprehur shqetësimin e tij për mungesën e origjinalitetit në tregun muzikor shqiptar, gjatë një interviste në emisionin “Goca dhe Gra” në Top Channel.
Duke folur për prirjet e fundit në muzikë, Getoari u shpreh se shumë prej këngëve dhe bashkëpunimeve që publikohen sot janë tepër të ngjashme me njëra-tjetrën, duke e kthyer muzikën në një produkt të konsumit të shpejtë.
Këngët që dalin verës janë të gjitha njësoj, bashkëpunimet po ashtu, zhanri është i njëjtë, vetëm ndërrojnë artistët. Është bërë konsum
Ai theksoi gjithashtu rëndësinë e ruajtjes së identitetit artistik:
Një artist sot duhet të dijë si ta menaxhojë veten. Kam bërë album vetëm për njerëzit që më duan dhe e kërkojnë muzikën time, bashkëpunime që janë jo të zakonshme.
Deklaratat e tij kanë shkaktuar reagime në rrjete sociale, duke nxitur debat për cilësinë dhe drejtimin që ka marrë muzika shqiptare vitet e fundit.
