Mbreti Charles III ka treguar edhe një herë anën e tij më të ngrohtë familjare gjatë vizitës zyrtare në Northern Ireland, duke zgjedhur personalisht një dhuratë të veçantë për mbesën e tij, Princesha Charlotte e Uellsit.
Monarku 77-vjeçar, i shoqëruar nga Camilla, nisi më 19 maj një vizitë treditore në Belfast, ku u takua me sipërmarrës të rinj dhe vizitoi disa biznese lokale në qendrën inovative W5 LIFE.
Gjatë ndalesës së tij, Charles u ndal te biznesi artizanal Empower Flower, ku zgjodhi një varëse të vogël me rruaza për Charlotte, e cila është 11 vjeçe.
Sipas pronares së biznesit, Rachel Rose, Mbreti u shpreh i bindur se mbesa e tij do ta adhuronte dhuratën.
Faleminderit, ajo do ta dojë këtë
-mësohet të ketë thënë Charles gjatë bisedës me artizanen.
Rachel Rose e përshkroi takimin me Mbretin si një moment emocional dhe të paharrueshëm, ndërsa biznesi i saj ishte pjesë e një programi që mbështet sipërmarrësit e rinj.
Marrëdhënia mes Charles dhe Princeshës Charlotte është komentuar shpesh si shumë e afërt, ndërsa Charlotte njihet për pasionin e saj ndaj aksesorëve dhe objekteve të punuara me dorë, të cilat shpesh i krijon edhe vetë për familjarët.
Gjesti i vogël i Mbretit gjatë kësaj vizite u interpretua nga fansat mbretërorë si një tjetër dëshmi e lidhjes së fortë familjare që ai ruan përtej detyrave zyrtare.
