Qyteti portugez i Gondomar-it u kthye mbrëmjen e kaluar në një det emocionesh dhe dhimbjeje, teksa mijëra qytetarë u mblodhën për t’i dhënë lamtumirën e fundit sulmuesit të Liverpool-it, Diogo Jota, dhe vëllait të tij, André, të cilët humbën jetën tragjikisht në një aksident automobilistik natën mes 2 dhe 3 korrikut.
Ceremonia mortore u zhvillua në kishën famullitare të qytetit, ku pjesëmarrja ishte e jashtëzakonshme.
Brenda ambienteve të kishës ishin vetëm familjarët dhe miqtë më të afërt, ndërsa jashtë, turma të mëdha qëndronin në heshtje, në nderim të dy të ndjerëve.
Ndër të pranishmit ishin emra të njohur të futbollit si Bernardo Silva, Ruben Neves dhe menaxheri Jorge Mendes, si dhe një delegacion i posaçëm nga klubi i Liverpool-it, i cili ka konfirmuar se do të vazhdojë pagesën e kontratës së Jotës për të mbështetur familjen e tij.
Ndërkohë, mungesa e Cristiano Ronaldos në ceremoni është komentuar gjerësisht në mediat portugeze.
