Aktori i famshëm Harrison Ford ka folur hapur për dashurinë dhe martesën e tij 15-vjeçare me Calista Flockhart. I ftuar së fundmi në emisionin “Wild Card” me Rachel Martin, 82-vjeçari ndau reflektime mbi marrëdhëniet dhe jetën në çift.
Edhe të moshuarit mund të dashurojnë. Mendon se është diçka e rinisë, por çështja e vërtetë është të qëndrosh i dashuruar. Të mbash, të kujdesesh dhe, në thelb, të mos shkatërrosh gjithçka — kjo është më e rëndësishme
-u shpreh aktori.
Kur u pyet për martesën e tij me Flockhart, me të cilën është lidhur që prej vitit 2010, Ford tha me humor:
Nëse më pyet mua, do të thoja gjithë jetën time. U martova për herë të parë kur isha 23 vjeç, gjë që duhet të jetë e paligjshme.
Aktori i “Indiana Jones” ka qenë i martuar më herët me Mary Marquardt (deri në vitin 1979) dhe me skenaristen Melissa Mathison nga viti 1983 deri në divorcin e tyre në 2004.
Duke folur për marrëdhënien me Flockhart, Ford theksoi:
Pjesa romantike është një nga llojet më emocionuese dhe më të përmbushura të dashurisë. Ka potencial për të në çdo fazë të jetës. Nuk u habita që arrita të bija në dashuri, as që u habita që ia dola.
