Gubbio, qyteti mesjetar në rajonin e Umbrias, ndizet çdo fundvit falë instalacionit gjigant të dritave në malin Ingino, i njohur botërisht si Pema më e madhe e Krishtlindjes.
Kjo “pemë” nuk është e vërtetë, por një instalacion spektakolar me më shumë se 3,000 drita shumëngjyrëshe që formojnë siluetën e një peme të shtrirë në faqen e malit.
Që prej vitit 1991, ky instalacion mban rekordin Guinness si ekspozimi më i madh në botë i një peme të Krishtlindjes.
Madhësia e saj është mbresëlënëse: rreth 650 metra e lartë, e dukshme nga shumë kilometra larg.
Këtë vit, bredhi ndriçon çdo natë nga 7 dhjetori 2025 deri më 11 janar 2026.
Ceremonia zyrtare e ndezjes së dritave zhvillohet më 7 dhjetor, në qendër të qytetit, në orët e para të mbrëmjes.
Dritat qëndrojnë të ndezura nga muzgu deri rreth orës 01:00 të mëngjesit.
Vendet më të mira për të bërë foto janë:
Piazza 40 Martiri ose Piazza Gramsci, pamje perfekte nga qendra e qytetit.
Parco della Vittorina ose parku pranë Teatrit Romak, për një pamje më të gjerë “qytet + pemë”.
