Aktorja amerikane, Kirsten Dunst, zbuloi së fundmi se cilët faktorë luajtën një rol kyç në arritjen e një karriere të suksesshme 30-vjeçare në Hollywood. Konkretisht, aktorja 43-vjeçare, duke folur për revistën People në premierën e filmit të ri “Roofman” në Los Angeles, zbuloi sekretin e “jetëgjatësisë” në të ashtuquajturën “industri argëtimi të paqëndrueshme”. “Miq të mirë dhe familje e mirë”, tha shkurt Dunst në një intervistë me revistën.
Më pas tha se ishte shumë krenare që ende po bënte filma dhe po ndiqte pasionin e saj pas kaq shumë vitesh. “Mendoj se jam shumë krenare që mund të vazhdoj të bëj filmat që dua të bëj dhe që industria ende më pranon dhe vazhdon ta bëjë këtë. E vlerësoj shumë rritjen, gjetjen e rrugës sime dhe përfshirjen në krijimin e filmave që kanë shumë rëndësi për mua”, shtoi ajo.
Dunst mori rolin e saj të parë kryesor në moshën 11 vjeçare, ku luajti përkrah Brad Pitt dhe Tom Cruise në filmin e vitit 1994 “Interview with the Vampire”. Dunst u bë shpejt një emër i njohur, duke luajtur në hite të tilla si “Bring It On” i vitit 2000 dhe “Spider-Man” i vitit 2002. Megjithatë, theksoi se karriera e saj nuk ka qenë pa sprova dhe vështirësi. Aktorja aktualisht po punon për promovimin e dramës së re kriminale “Roofman”, ku luan edhe 45-vjeçari Channing Tatum. Filmi del në kinematë në të gjithë ShBA-në më 10 tetor.
Dunst, zbuloi së fundmi se nuk është e interesuar të riluajë rolin e saj në vazhdimin e komedisë së famshme “Bring It On” nga viti 2000. Aktorja 43-vjeçare foli për Entertainment Tonight rreth mundësisë së rikthimit në rolin e tifozes Torrance Shipman në një vazhdim të mundshëm të filmit “Bring It On”. Pasi u pyet në një shfaqje të filmit të saj të ri nëse do të kthehej në rolin e saj të njohur pas 25 vitesh, aktorja u përgjigj se nuk do ta bënte këtë.
“Jo. Unë them, ‘Lërini gjërat e mira aty ku janë’. Nuk mund të vesh kostumin e një nxitëse tifozesh. As nuk e di çfarë do të bëja, të isha trajnere apo diçka e tillë? Oh jo. Le ta lëmë ashtu siç është”-tha Dunst, duke shtuar se nuk do të ishte vërtet e interesuar për këtë, madje as nga perspektiva e një producenteje. “Bring It On” ndjek nxënësen e vitit të fundit të shkollës së mesme Rancho Carne dhe kryesuesen e re të tifozeve, Torrance (Dunst), ndërsa ajo e udhëheq ekipin e saj drejt një kampionati kombëtar.
