Pas shortit të hedhur nga UEFA për edicionin e tretë të Ligës së Kombeve 2022-23 është përcaktuar edhe kalendari i ndeshjeve të Shqipërisë në këtë kompeticion. Shorti e vendosi Shqipërinë në Grupin B2, bashkë me Izraelin, Rusinë e Islandën. Katër ndeshjet e para të kuqezinjve do të luhen në qershor, brenda 14 ditëve, në një kalendar mjaft të ngjeshur.
Fushata eliminatore e Kombëtares Shqiptare fillon më 2 qershor 2022 ndaj Rusisë, në sfidën që do të luhet në fushën tonë. Katër ditë më pas, më 6 qershor 2022, Shqipëria pritet të luajë në transfertë ndaj Islandës, ndërsa më 10 qershor 2022, Kombëtarja do të presë Izraelin në shtëpi. Sfidat e këtij muaji mbyllen me ndeshjen e 13 qershorit, me Shqipërinë që do të sfidojë Rusinë në transfertë, për ndeshjen e kthimit.
Pas pauzës së verës, Liga e Kombeve rikthehet në shtator me dy ndeshjet e fundit të grupit. Më 24 shtator 2022, Shqipëria udhëton drejt Izraelit për ndeshjen e pestë, ndërsa në sfidën e fundit të grupit, përfaqësuesja kuqezi do të presë Islandën, më 27 shtator 2022.
Kalendari i plotë me data dhe orare i ndeshjeve të Shqipërisë në grupin B2 të Nations League 2022-23:
GRUPI B2
02 qershor 2022
Shqipëri – Rusi ora 20:45
06 qershor 2022
Islandë – Shqipëri ora 20:45
10 qershor 2022
Shqipëri – Izrael ora 20:45
13 qershor 2022
Rusi – Shqipëri ora 20:45
24 shtator 2022
Izrael – Shqipëri ora 20:45
27 shtator 2022
Shqipëri – Islandë ora 20:45
