Një aksident i rëndë ka ndodhur ditën e sotme pasi një kamion ka përplasur një autoambulancë në afërsi të qytetit të Lushnjes.
Për pasojë, pas përplasjes ka mbetur i vdekur pacienti që po transportohej me urgjencë drejt Tiranës.
Viktima është identifikuar të jetë Dashamir Koçaj, 77 vjeç, nga qyteti i Vlorës.Drejtuesi i ambulancës dhe infermieri janë dërguar në spitalin e Lushnjës për mjekim.
Përplasja ka ndodhur në kryqëzim të autostradës, Lushnje-Fier, ndërsa ende nuk dihen shkaqet e aksidentit.
Policia ndodhet në vendngjarje dhe po heton për shkaqet e aksidentit si dhe ka ndaluar shoferin e kamionit.
Lajmi do të përditësohet…
