Karim Adeyemi, futbollisti i njohur i Bundesligës, ka zgjedhur një mënyrë të veçantë për të shprehur dashurinë ndaj partneres së tij, reperes shqiptare Loredana.
Pas realizimit të një goli të rëndësishëm, Adeyemi festoi duke formuar me duar shkronjën “L”, një gjest që nuk mund të kalonte pa u vënë re nga tifozët dhe kamera.
Ai e ndau gëzimin e tij në Instagram, ku publikoi një foto nga festa pas golit, duke e etiketuar Loredanën dhe duke i vendosur një zemër si shenjë dashurie.
Ky veprim ka prekur fansat e çiftit, të cilët e kanë komentuar si një shfaqje publike të dashurisë dhe një simbol të lidhjes së fortë mes tyre.
Loredana dhe Adeyemi janë shpesh në vëmendjen e mediave për marrëdhënien e tyre, dhe ky gjest ka konfirmuar edhe njëherë afërsinë dhe mbështetjen e ndërsjellë që ata kanë për njëri-tjetrin në karrierat e tyre.
Një gol që ka më shumë vlerë se tri pikë – një gol për dashurinë.
