Katy Perry dhe ish-kryeministri kanadez Justin Trudeau, që prej disa javësh kanë qenë në qendër të vëmendjes për shkak të një romance të supozuar, duket se i kanë dhënë fund historisë së tyre.
Por, sipas burimeve pranë tyre, marrëdhënia është ftohur dhe kontakti mes të dyve është reduktuar ndjeshëm.
Shkak kryesor për këtë duket të jetë axhenda e ngarkuar dhe presioni i madh i opinionit publik.
Nuk ka asgjë negative mes tyre, por thjesht nuk janë më në kontakt të vazhdueshëm. Për momentin, situata është qetësuar
-tha një burim për mediat.
Gjithashtu, raportohet se Trudeau nuk ishte gati të përballonte gjithë vëmendjen mediatike që solli ky raport, ndërsa Perry, pas ndarjes nga Orlando Bloom, nuk e sheh veten të gatshme për një lidhje serioze.
