Pas ndarjes nga aktori Orlando Bloom, këngëtarja Katy Perry është përfolur për një lidhje të mundshme me ish-kryeministrin e Kanadasë, Justin Trudeau.
Fotot u bënë virale në rrjetet sociale, ndërsa burime për “Entertainment Tonight” kanë thënë se Perry dhe Trudeau “po njihen me njëri-tjetrin” dhe se për momentin bëhet fjalë për një raport miqësor dhe të rastësishëm.
Justin është karizmatik dhe ka energji pozitive – pikërisht ajo që Katy dëshiron dhe ka nevojë tani
-u shpreh një burim për mediat amerikane.
Ndërkohë, marrëdhënia mes Perry dhe ish-partnerit të saj, Orlando Bloom, me të cilin ka një vajzë, raportohet se është “e tendosur dhe e çuditshme”.
Edhe Trudeau ka qenë në qendër të mediave për jetën e tij personale pas ndarjes nga bashkëshortja Sophie Grégoire Trudeau.
Për momentin, as Perry dhe as Trudeau nuk kanë komentuar publikisht mbi thashethemet që po qarkullojnë.
