Autoritetet në Kaliforni kërkuan sot nga publiku këshilla dhe ndihmë për të gjetur personin përgjegjës për të shtënat që vranë katër persona, përfshirë tre fëmijë, dhe plagosën 11 të tjerë në një mbledhje familjare në një sallë banketesh në Stockton të shtunën.
Zëdhënësja e Zyrës së Sherifit të Qarkut San Joaquin, Heather Brent, tha se fëmijët e vrarë në të shtënat e së shtunës ishin të moshës 8, 9 dhe 14 vjeç, dhe viktima e katërt ishte një 21-vjeçar.
Brent tha se policia po vazhdon kërkimin për të dyshuar të mundshëm, por ende nuk janë bërë arrestime.
Udhëheqësit fetarë në zonën e Stocktonit planifikuan një vigjilje lokale të dielën pasdite për të nderuar të vdekurit dhe për t’u lutur për 11 të plagosurit.
