Kim Kardashian ka lansuar produktin më të ri të markës së saj SKIMS dhe ka ndezur menjëherë rrjetet sociale. Artikulli inovativ, i quajtur “Ultimate Face”, është një mbështjellës koke që premton të “skalisë” fytyrën gjatë gjumit – dhe u shit plotësisht në ditën e parë të publikimit.
Në fotot promovuese të postuara në Instagram, shihet një model që mban një kapuç ngjyrë “nude” të ngushtë pas lëkurës, i ngjashëm me një balaklave, raporton “Daily Mail”.
Ky “face shaper” është krijuar nga pëlhura skulpturore e SKIMS dhe përmban fije kolagjeni, duke ofruar “mbështetje ultra të butë për nofullën”.
Kim Kardashian e prezantoi produktin në një video, duke shpjeguar:
Ne kemi bërë veshje formësuese për trupin për një kohë të gjatë dhe tani kemi krijuar diçka të veçantë për fytyrën. Ky material kap mjekrën fort, por është i rehatshëm për t’u veshur natën ose edhe në shtëpi. Kam dashur prej kohësh t’i realizoj këto dhe jam shumë e lumtur që më në fund po i shihni.
Suksesi i menjëhershëm i “Ultimate Face” dëshmon fuqinë e markës SKIMS dhe ndikimin e Kim Kardashian në trendet e bukurisë dhe kujdesit personal.
