Një sulm iranian ndaj një objekti në Kuvajt vrau një civil indian, ndërsa në Libanin jugor një shpërthim në një bazë të UNIFIL-it la të vrarë një paqeruajtës dhe plagosi rëndë një tjetër.
Në këtë sfond, Donald Trump po shqyrton mundësi drastike:
Sipas Wall Street Journal, presidenti amerikan po sheh mundësinë e një misioni tokësor për të sekuestruar 450 kg uranium nga Irani dhe synon kontrollin e qendrës së naftës Kharg.
Një mision kompleks që do të shihte forcat amerikane të vepronin brenda vendit për ditë ose më gjatë, sipas Wall Street Journal, që citon burime sipas të cilave, “presidenti nuk ka vendosur ende”. Trump është i vetëdijshëm për rreziqet që sjell një operacion i tillë, por mbetet i hapur ndaj idesë.
Presidenti dhe disa nga aleatët e tij kanë thënë privatisht se do të ishte e mundur të sekuestrohej uraniumi me një operacion të synuar që nuk do ta zgjaste luftën, e cila pritet të përfundojë deri në mesin e prillit.
Pavarësisht përshkallëzimit, shefi i Shtëpisë së Bardhë flet për “negociata të mira direkte dhe indirekte”, me qëllim përfundimin e konfliktit deri në mesin e muajit prill.
Ndërkohë, Forcat Mbrojtëse Izraelite po lëshojnë një paralajmërim evakuimi për banorët e zonës Dahieh të Bejrutit, Liban.
