Kitaristi i grupit legjendar No Doubt, Tom Dumont, ka ndarë një lajm që ka prekur fansat në mbarë botën, ai është diagnostikuar me Parkinson’s disease.
58-vjeçari e bëri publik rrëfimin përmes një videoje në Instagram, ku tregoi se prej kohësh kishte vënë re simptoma të pazakonta, por vetëm së fundmi ka marrë diagnozën zyrtare, fatmirësisht në fazat e hershme.
Në një rrëfim të sinqertë, Tom Dumont e përshkroi këtë periudhë si një sfidë të vazhdueshme, si fizikisht ashtu edhe emocionalisht.
Ishte dhe është një betejë e përditshme
-u shpreh ai, duke reflektuar mbi realitetin e ri me të cilin po përballet.
Pavarësisht diagnozës, artisti nuk ka humbur optimizmin. Ai theksoi se ende është në gjendje të luajë kitarë dhe të performojë, diçka që e konsideron një bekim të madh.
Lajmi i mirë është se unë ende mund të luaj muzikë. Po ia dal shumë mirë
-tha ai, duke dhënë një mesazh force dhe shprese për fansat.
Ky rrëfim vjen në një moment të rëndësishëm për No Doubt, të cilët pritet të rikthehen në skenë me një seri koncertesh në Las Vegas, së bashku me vokalisten Gwen Stefani.
Për Tom Dumont, këto përgatitje kanë qenë edhe një moment reflektimi mbi karrierën e tij, duke e bërë të ndihet mirënjohës për çdo përvojë.
Kitaristi theksoi se vendimi për të folur hapur për Parkinson’s disease nuk ishte i lehtë, por e bëri për të rritur ndërgjegjësimin dhe për të thyer stigmat që shoqërojnë këtë diagnozë.
Me këtë hap, ai synon të frymëzojë të tjerët që përballen me sfida të ngjashme, duke treguar se edhe përballë vështirësive, pasioni dhe forca e brendshme mund të mbeten të pathyeshme.
